2023 Bar exams ipinagpatuloy ngayong araw

Isinasagawa ngayong Miyerkules, Setyembre 20 ang ikalawang araw ng 2023 Bar Examinations.

Ayon sa Supreme Court, umabot sa 10, 392 examinees ang kumukuha ng pagsusulit as of 12:00 noon.

Nasa Cagayan State University sa Tuguegarao City na kaniyang hometown si SC Associate Justice at 2023 Bar Exams Chair Ramon Paul Hernando para subaybayan ang eksaminasyon doon.

Binisita naman nina Chief Justice Alexander Gesmundo at Associate Justice Jose Midas Marquez ang Dr. V. Orestes Romualdez Educational Foundation na isa sa 14 na local testing centers.

Naka-iskedyul sa day 2 ng bar exams ang Civil Law at ang Labor Law and Social Legislation.

Moira Encina