Battery pack posibleng sanhi ng Air Busan fire – South Korea
A man checks his seat at Gimpo international airport in Seoul, South Korea, May 1, 2020. REUTERS/Kim Hong-Ji/File Photo
Sinabi ng transport ministry ng South Korea, na isang spare power bank ang posibleng sanhi ng sunog sa Air Busan 298690 KS plane noong Enero.
Ayon sa pahayag, “Scorch marks on the debris of a power bank found where the fire was first detected indicate the blaze may have started because insulation inside the battery had broken down.”
Gayunman, hindi pa masabi ng mga imbestigador kung ano ang naging sanhi ng breakdown. Ang lithium batteries sa devices gaya ng laptops, mobile phones, electronic cigarettes at power banks ay maaaring maglabas ng usok, apoy o matinding init kapag nagkaroon ng short circuit dulot ng manufacturing faults o damage.
Walang natukoy na abnormalidad sa sariling electrical systems ng eroplano.
Ayon sa mga imbestigador, ang sunog noong Jan. 28 ay unang na-detect sa isang luggage bin sa ibabaw ng row 30 sa kaliwang bahagi ng eroplano, mga 20 minuto makaraan na ang naantalang flight sa Hong Kong galing Busan, sa South Korea ay nakatakda nang umalis.
Nailikas naman ang lahat ng 170 mga pasahero at anim na crew mula sa Airbus A321 plane, na tinupok ng apoy.
Ang imbestigasyon ay pinangungunahan ng Aviation and Railway Accident Investigation Board ng South Korea.
Ang update ngayong Biyernes ay hindi pa ang pinal na accident report, na ayon sa global aviation standards ay dapat na mailabas sa loob ng isang taon na saklaw ng panahong nangyari ang insidente.
Matagal nang ibinibilang ng aviation ang lithium batteries na isang safety concern, at ang mga patakaran ay pana-panahong hinihigpitan bilang tugon sa mga aksidente.
Simula March 1, binago ng South Korea ang kanilang patakaran sa pagdadala ng mga baterya sa eroplano, kabilang dito na ang power banks at e-cigarettes ay dapat na nasa pasahero mismo at wala sa overhead bins, at ang pagbabawal sa pagtsa-charge ng devices habang lulan ng eroplano.
Noong nakaraang taon, tatlong mga insidente kada dalawang linggo ng nag-overheat na lithium batteries sa mga eroplano ang naitala sa buong mundo ng U.S. Federal Aviation Administration, kumpara sa isa lamang bawat linggo noong 2018.
