Bababa ang singil sa kuryente ngayong buwan – Meralco

Inanunsyo ng Manila Electric Company o MERALCO na bababa ang singil sa kuryente ngayong Setyembre.

Ayon sa MERALCO, bagamat hindi pa nila natatanggap ang pinal na billing mula sa mga supplier, ito ay dahil sa inaasahan na nila ang pagbaba sa generation charge ngayong buwan.

Sinabi rin ng power company na isa rin sa sanhi ng mababang singil ngayong buwan ay ang mas mababang consumer demand sa mga nakalipas na buwan.

Inaasahang sa mga susunod na araw ay ipalalabas ang pinal na halaga ng mas mababang singil sa kuryente ngayong buwan.