BSP nagbabala laban sa pagbebenta online ng 20-Piso at 5-Piso na barya sa mas mataas na halaga
Pinaalalahanan ng Bangko Sentral ng Pilipinas (BSP) ang publiko na hindi dapat bilhin ang 20-Piso at 5-Piso na barya sa mas mataas na presyo o halaga mula sa online sellers.
Ayon sa BSP, nasa sirkulasyon pa mula noong Disyembre 2019 ang 20-Piso at 5-Piso New Generation Currency (NGC).
Sa datos ng central bank sa pagtatapos ng Pebrero 2022, kabuuang 290.09 milyong piraso ng 20-Piso NGC na barya at 1.90 bilyong piraso ng enhanced 5-Piso na barya ang
nasa sirkulasyon pa rin.
Ang mga nasabing barya ay legal tender at puwedeng ipambayad sa mga produkto at serbisyo.
Moira Encina
Please follow and like us:
