Buhay ang nakasalalay sa pekeng gamot

                                        

Attention mga ka-Isyu , ingat tayo sa mga pekeng gamot, naglipana ngayon ‘yan! Kahit ang mga gamot na binibili online. 

Tinututukan ngayon ng Food and Drug Administration o FDA partikular ang maintenance drugs na binibili natin.

Tama ang sinasabi ni Pangulong Rodrigo Duterte na kailangang maparusahan ang mga tiwaling negosyante  na nagpapakalat ng mga pekeng gamot. 

At ngayon nga ay binabalak na katulungin ang Local Government Units o LGUs  sa pamamamagitan ng pagpapalabas ng mga ordinansa.

Tulad  ng ginawa sa Davao de Oro na bawal magtinda ng anomang uri ng gamot , kahit ‘yung mga over-the-counter  na gamot sa lagnat at ubo, ang  mga sari-sari store.

Para maiwasan na dito dalhin ng mga sindikato  ang  mga pekeng gamot.

Hindi maikakaila  na marami  sa ating mga kababayan ang naghahanap ng gamot  kung saan  makakakamura, natural lang naman, di ba ?

Pero, may mga lehitimong botika na nagtitinda ng generic drugs.

Meron tayong generic law.

Kaya bumili tayo sa mga lehitimong drugstore.

Ang sabi ay maglalabas ng ordinansa na ipagbabawal na sa sari-sari stores ang magtinda ng anomang uri ng gamot. 

Buhay ang nakasalaylay, kapag pekeng gamot , natural, sa halip na makatulong ay makasama pa sa kalusugan.

Kaya dapat lang na may makasuhan. 

Samantala, kakatulungin ng FDA ang Philipine National Police-CIDG  at NBI. 

Dapat na panagutin ang mga sangkot sa pagpapakalat ng mga pekeng gamot.

Dapat maparusahan, lalo pa’t may nalalabag sa batas ang Pharmacy Law, ang FDA Act of 2009,

At ang Special Law on Counterfeit Drugs.

Iba kasi ang pamemeke  sa mga damit, bag, at kung ano-ano pa  na puwede pang mapalampas .

Pero, ibang usapan kapag gamot na iniinom natin. 

Pumapasok ito sa sistema ng katawan. 

Delikado, mapanganib ang mga pekeng gamot. 

Kaya nga  ang sabi ng Pangulong Duterte, dapat ay seryosohin ang kampanya laban sa mga nagpapakalat ng mga pekeng gamot!