Coastal clean-up drive sa Manila Bay Dolomite beach, muling isinagawa ng MMDA

Courtesy MMDA PIO
Muling nagsagawa ng coastal clean-up ang Metro Parkways Clearing Group ng Metro Manila Development Authority (MMDA), sa Manila Bay Dolomite Beach upang mapanatili ang kalinisan at maaliwalas na kapaligiran sa lungsod ng Maynila.

Nagtulong-tulong ang mga kawani sa paghahakot ng mga basura na kanilang nakuha tulad ng plastic, kawayan, balat ng candies, pati ang mga naputol na sanga ng puno, kahoy at iba pa na inanod sa dalampasigan.

Paalala ng MMDA sa publiko, maging responsable sa tamang pagtatapon ng basura dahil ang mga kalat na itinatapon sa mga daluyang tubig ang isa sa dahilan ng pagbaha sa Kalakhang Maynila.
Manny De luna