Curry ng Golden State, maglalaro pa rin sa Game 4 ng NBA Finals sa kabila ng injury sa kaliwang paa
Mariing kinumpirma ng Golden State star na si Stephen Curry, na maglalaro siya sa game four ng NBA Finals, sa kabila ng pagkakaroon ng injury sa paa sa game three na pinagwagian ng Boston Celtics.
Ayon kay Curry . . . “I’m going to play. “That’s all I know right now.”
Lamang na ng dalawang game (2-1) ang Celtics sa best-of-seven championship series, patungo sa game four na gaganapin sa TD Garden sa Boston.
Pinangunahan ni Curry ang Warriors sa game three sa pamamagitan ng kaniyang 31 points, bago nakaranas ng injury habang hinahabol ang isang loose ball.
Sinabi niya na ang pinsala ay nakapagpaalala sa tinamo niyang foot sprain noong Marso, at hindi pa siya sumasailalim sa anomang medical imaging tests.
Aniya . . . “Because I went through what I went through in the regular season and coming back, I know exactly what it is and what I’ve got to deal with and the soreness/pain level and all that. So once I got checked out last night, I knew I wouldn’t have to go get any extra tests just because we’ve been through this before.”
Ayon kay Curry, ginamot niya ang kaniyang injury sa pamamagitan ng sampu at kalahating oras na pagtulog, at ang ilang beses na paglubog ng kaniyang paa sa ice bucket. Aniya, alam agad niya na ang kaniyang injury ay hindi masyadong malala kumpara sa nauna.
Sabi pa niya . . . “As soon as you started to take a couple of steps, you kind of know whether you can run normal, cut normal or not. Back then, I couldn’t. Yesterday, I could. That gave me a little bit of confidence knowing it wasn’t as bad. We’ll see how it feels tomorrow. I know I’m going to play, but (we’ll) just see how it responds to that type of impact.”
© Agence France-Presse
