Iba pang Covid variants of concern, dinaig na ng Delta
Dinaig na ng Delta ang tatlong iba pang Covid-19 variants of concern ayon sa World Health Organization.
Sinabi ni Maria Van Kerkhove, WHO technical lead on Covid-19 . . . “Less than one percent each of Alpha, Beta and Gamma are currently circulating, It’s really predominantly Delta around the world.”
Aniya . . . “Delta has become more fit, it is more transmissible and it is out-competing, it is replacing the other viruses that are circulating. Delta had been detected in more than 185 countries to date.”
Lahat ng viruses ay nagmu-mutate habang tumatagal, kabilang na ang SARS-CoV-2, ang virus na nagdudulot ng sakit na Covid-19.
Sa huling bahagi ng 2020, ang paglitaw ng mga variants na may mas malaking banta ng panganib sa global public health, ang nagtulak sa WHO upang ilarawan ang mga ito bilang variants of interest at variants of concern.
Nagpasya ang UN health agency na pangalanan ang mga variant sunod sa letra ng Greek alphabet, upang hindi naman masira ang pangalan ng mga bansa kung saan unang na-detect ang mga nabanggit na variant.
Bukod sa apat na variants of concern, may lima pang variants of interest, ngunit ayon kay Kerkhove ang tatlo sa mga ito, ang Eta, Iota at Kappa ay ibinaba na sa variants under monitoring.
Ayon pa kay Kerkhove . . . “This is really due to changes in circulation and that the variants of interest are just out-competed by the variants of concern. They’re just not taking hold.”
