Ice plant sa pasay pansamantalang isinara dahil sa Ammonia leak
![](http://www.radyoagila.com/wp-content/uploads/2024/05/ammonia-1-1024x565.jpg)
Mabilis na narespondehan ng mga bumbero ang insidente ng ammonia leak sa planta ng yelo sa kanto ng Layug Street at FB Harrison Street sa Brgy 3 sa Pasay City.
Naganap ang leak ng 9:30 ng umaga at nakontrol matapos ang 30 minuto.
Ayon sa operations head ng Summit Ice Dealer na si Jojo Ramos, ito ang unang pagkakataon na nagka- ammonia leak sa kanilang planta na siyam na taon ng nagooperate.
Nakatulong naman aniya nang malaki ang taunang safety drills at seminars sa kanilang empleyado kaya walang napinsala o nasugatan sa mga tauhan ng planta ng yelo.
Labing -tatlo aniya ang kawani ng planta kung saan Lima ang nakaduty nang mangyari ang pagtagas habang ang iba na stay-in ay natutulog.
Sa inisyal na imbestigasyon ay posibleng sa gasket ng planta ang pinagmulan ng tagas.
Sarado muna pansamantala ang ice plant habang nagpapatuloy ang imbestigasyon ng mga awtoridad.
Moira Encina