Impeachment secretariat para sa congressmen prosecutors kay VP Sara, binuo ng Kamara
Kumpleto na ang impeachment secretariat ng kamara para sa congressmen prosecutors, sa impeachment trial sa senado ni Vice President Sara Duterte.
Ito’y matapos ilabas ni House Secretary General Reginald Velasco, ang Memorandum Order Number 19-1006.
Sinabi ni Velasco na ang house impeachment secretariat ay may mahalagang papel na gagampanan sa impeachment trial ni VP Sara sa senado, lalo na sa access sa mga essential logistical research at documentation.
Ang impeachment secretariat ay binubuo ng mga opisyal at personnel ng mga pangunahing departamento sa kamara, mula sa Office of the Secretary General, Office of the House Sergenat at Arms, Legislative Operation Department, at Legal Affairs Department.
Ayon kay Velasco, lahat ng mga opisyal at personnel ng house impeachment secretariat ay kailangang sumunod sa mahigpit na House Rules and Ethical Guidelines para masiguro ang transparency at professionalism sa buong proseso ng impeachment trial sa bise presidente.
Vic Somintac
