Inflation rate sa bansa bumilis sa 4.4% nitong Hulyo
Photo: PSA
Bumilis pa ang inflation o galaw ng presyo ng mga bilihin at serbisyo nitong Hulyo, na pumalo sa 4.4%, ayon sa Philippine Statistics Authority (PSA).
Mas mataas ito kumpara sa 3.7% na naitala noong Hunyo.
Sinabi ni National Statistician Undersecretary Dennis Mapa, na ang pagtaas ng halaga ng pagkain at mga non-food item gaya ng upa sa bahay at pagtaas ng presyo ng liquified petroleum gas o LPG, ang dahilan ng pagtaas ng inflation.
Sa data ng PSA, ang food inflation o galaw ng presyo ng pagkain ay umabot sa 6.7% nitong Hulyo.
Sa mga pagkain, tumaas ang presyo ng bigas, karne at ilang gulay gaya ng kamatis at mais, itlog at iba pang dairy products.
Meanne Corvera
Please follow and like us:
