Mahigit 800 piraso ng boga at sari-saring ilegal na paputok, winasak ng SPD
Courtesy: SPD
Iba’t Ibang klase ng paputok at 841 piraso ng boga ang nakumpiska ng Southern Police District (SPD) simula noong Disyembre 16, 2024 hanggang nitong January 6, na bahagi ng pinaigting na kampanya laban sa paputok sa pamamagitan ng mga operasyon at inspeksyon mula sa iba’t ibang lugar sa Metro Manila.
Courtesy: SPD
Ayon kay SPD Director Brig. Gen. Manuel Abrugena, nagkakahalaga ng P424,178.00 ang nakumpiskang firecrackers, na dinala sa isang ligtas na lugar upang sirain.
Bukod sa mga nakumpiska, sinabi ng SPD na 71 ang namatay sa mga insidenteng may kinalaman sa paputok sa pagdiriwang ng Bagong Taon.
Courtesy: SPD
May tatlo namang insidente ng ligaw na bala na naitala at pagkaka-aresto sa apat na suspek dahil sa ilegal na pagbebenta ng mga paputok.
Ang malakas na kampanya ng SPD sa pagtuturo sa publiko sa panganib ng ilegal na paputok, at ang kahalagahan ng paggamit lamang ng mga itinalagang lugar para sa fireworks display, ay nagresulta sa mas ligtas na pagdiriwang ng Bagong Taon sa Southern Metro Manila
Courtesy: SPD
Archie Amado
