Malakas na buhos ng ulan dala ng habagat iiral sa buong bansa, ayon sa PAGASA
Nakaranas ang Metro Manila at mga kalapit lalawigan ng malakas na buhos ng ulan dahil sa habagat na umiiral sa buong bansa.
Ayon sa PAGASA, kaninang alas 5:33 ng umaga, malakas na buhos ng ulan na may kaakibat na malakas na hangin ang naranasan sa Metro Manila, mga bayan ng Obando, Marilao, San Jose del Monte at Norzagaray sa Bulacan; Batangas City at Taysan, Batangas; Imus, Cavite City at Bacoor sa Cavite; at sa ilang bahagi ng Rizal.
Ayon sa PAGASA, ang Quezon Province ay nakakaranas din ng malakas na pag-ulan.
Una nang nagtaas ng yellow rainfall warning ang PAGASA sa Zambales at Bataan , ahil sa patuloy na buhos ng ulan.
Pinayuhan ngPAGASA ang publiko na mag-ingat sa flashfloods na maaring idulot ng pag-ulan sa mga mabababang lugar.
Sa weather forecast ng PAGASA, umiiral pa rin ang habagat sa buong bansa.
