Mga Pinoy sa New York hinihimok na magsuot ng face mask dahil sa tumataas na kaso ng COVID-19

Pinayuhan ng Consulate General of the Philippines sa New York ang mga Pilipino doon na magsuot ng face mask dahil sa tumataas na kaso ng COVID-19.

Hinimok din ng konsulado ang mga Pinoy sa New York City na limitahan ang mga pagtitipon, magpa-test, manatili sa bahay kung may sakit o na-expose, maghugas ng kamay, at magpabakuna laban sa Covid.

Ayon sa konsulado, hinihikayat ng NYC Department of Health and Mental Hygiene ang New Yorkers na magsuot ng high-quality mask sa indoor settings at sa matataong lugar sa labas bunsod ng dumaraming kaso ng Covid.

Maliban sa COVID-19, naobserbahan din ng mga otoridad ang hindi pangkaraniwang pagtaas ng kaso ng influenza at respiratory syncytial virus sa New York City ngayong holiday season.

Moira Encina

Please follow and like us: