Pilipinas naghahanda para sa hosting ng 2024 Asia-Pacific Ministerial Conference on Disaster Risk Reduction
Sinimulan na ng Marcos Administration ang preparasyon sa Asia- Pacific Ministerial Conference on Disaster Risk Reduction o APMCDRR na gaganapin sa Pilipinas mula Oktubre 14 hanggang 17, 2024.
Ang Department of Environment and Natural Resources (DENR) kasama ang Department of Tourism at Department of National Defense ang nangunguna sa paghahanda sa APMCDRR 2024.
Sa pre-launch event nitong Lunes, May 8, 2023, ay nagpulong na ang iba’t ibang departamento ng gobyerno para matiyak na matagumpay ang pagsasagawa ng international conference.
Ayon kay Environment Secretary Antonia Loyzaga, platform ang kumperensya para sa knowledge sharing sa mga istratehiya at polisiya sa disaster risk reduction sa asya pasipiko na itinuturing na most disaster prone region.
“We will able to learn from other countries in the Asia Pacific Region specifically the knowledge from Pacific countries have in order to cope with their island vulnerability. In the case of the Philippines, while we are highly urbanized in our major land masses, we do have small islands that need this capacity building,” paliwanag ni Sec. Loyzaga.
Tinatayang P200-million ang pondong kakailanganin para sa global conference batay na rin sa pondo ng APMCDRR na ginanap sa Brisbane, Australia noong nakaraang taon
Gayunman, makakatuwang din ng pamahalaan ang pribadong sektor para sa mga gugulin sa international conference.
“We are basing our budget on the experience of disaster risk reduction of Brisbane last year. The estimate that they had was roughly of about P200-million. However, we will be looking on how we will be able to match both public and private so that amount will not come all to public funds. Right now there is continuing discussion how each department can bear their share,” dagdag na pahayag ng DENR chief.
Tiniyak naman ng DOT ang commitment nito para tumulong sa pag-ho-host ng bansa sa APMCDRR.
Sinabi ni Tourism Secretary Christina Frasco na oportunidad din ang international conference para muling maipakilala ang Pilipinas sa global partners at sa high level officials na lalahok sa aktididad matapos ang pandemya.
“This conference comes at eve of World Health Organization lifting of the emergency status of COVID pandemic, therefore it signals an opportunity for the Philippines to fully move on from pandemic and focus on these great challenge of our time,” pahayag pa ni Frasco.
Suportado din ni Defense Senior Undersecretary at Officer-in-Charge Carlito Galvez ang pagsasagawa ng disaster risk conference.
Aniya, patunay ito ng katapatan ng Pilipinas na makatugon sa international standards sa disaster risk reduction.
Moira Encina
[End]
