Resulta ng Concom, inaasahang isa sa lalamanin ng talumpati ni Pangulong Duterte sa kaniyang SONA
Inaasahang isa sa mga lalamanin ng talumpati ni Pangulong Rodrigo Duterte sa kanyang ikatlong State of the Nation Address o SONA ay ang resulta ng Constitutional Commission.
Pero ayon kay Political Analyst Professor Clarita Carlos, dahil tatlumpu’t limang minuto lamang umano ang ibinigay na oras sa Pangulo para sa kaniyang talumpati, maaaaring maging highlight dito ay ang mga accomplishments at mga natitira pang nais gawin ng kaniyang administrasyon.
Pero duda si Carlos na masusunod ng pangulo ang ibinigay sa kaniyang 35 minutes speech.
“Sana tama si Harry Roque na 35 minutes lang ang magiging speech ng Pangulo. Siguro dahil 35 minutes ang ibinigay sa kaniya, maha-highlight siguro dun yung magaganda like yung Free Education sa mga State Universities and Colleges at napakabata pa lang ng admimistrasyon parang 700 days pa lang sila nandyan”.
