Russian hackers, nasa likod ng pagnanakaw sa medical record sa Australia
Sinabi ng mga pulis, na Russian hackers ang nasa likod ng isang cyberattack sa pangunahing Australian healthcare company, kung saan ninakaw ang data ng 9.7 milyong katao.
Sinimulang i-leak ng hackers ang data nitong Miyerkoles matapos tumanggi ang Medibank, na pinakamalaking health insurer ng Australia, na magbayad ng US$9.7 million (Aus$15 million) na ransom.
Isinisi ni Australian Federal Police commissioner Reece Kershaw ang pag-atake sa Russia-based “cyber criminals,” at sinabing, “We believe those responsible for the breach are in Russia. Our intelligence points to a group of loosely affiliated cyber criminals who are likely responsible for past significant breaches across the world.”
Na-download na rin ng hackers sa dark web forum ang ninakaw nilang data, na kinabibilangan ng daan-daang records na may kaugnayan sa drug addiction, alcohol abuse at sexually transmitted infections.
Ayon kay Kershaw, “Australian police would be seeking the cooperation of our counterparts in Russia. We’ll be holding talks with Russian law enforcement about these individuals. The police knew the identities of the hackers but I would not be naming them.”
Ayon naman sa cybersecurity analysts, ang hackers ay maaaring may kaugnayan sa Russian hacker group na REvil.
Ang REvil ay napaulat na nabuwag na ng Russian authorities sa mga unang bahagi ng 2022, matapos makakuha ng grupo ng $11 milyong ransom mula sa JBS Foods.
Sinabi ni Kershaw, “Australian police were taking “covert measures” to bring the hackers to justice. To the criminals, you know we know who you are. The Australian Federal Police has some significant runs on the scoreboard when it comes to bringing overseas offenders back to Australia to face the justice system.”
Pahayag naman ni Home Affairs minister Clare O’Neil, “The ‘smartest and toughest’ people in Australia were hunting down the hackers.”
Sa kanila namang tugon sa dark web kaninang umaga, sinabi ng hackers, “We always keep our word. We should post this data, because nobody will believe us in the future.”
© Agence France-Presse
