Tourist bus sa Mexico nahulog sa bangin, 18 ang patay
Hindi bababa sa 18 Mexican tourists ang namatay at dalawang dosena ang nasaktan, nang mahulog sa bangin ang sinasakyan nilang tourist bus sa western state ng Nayarit.
Ayon sa civil protection official na si Pedro Nunez, binabagtas ng bus na pag-aari ng isang pribadong kompanya, ang isang 220-kilometro o 136 na milyang daan mula sa Guadalajara sa katabing estado ng Jalisco patungo sa beach destination nito sa Guayabitos sa Nayarit, nang maganap ang aksidente.
Hindi pa batid ang sanhi ng aksidente.
Ayon kay Nunez, lahat ng sakay ng bus ay pawang Mexican nationals.
© Agence France-Presse
Please follow and like us:
