Ilan pang korte sa Cavite, nagsuspinde ng pasok dahil sa masamang panahon
Walang pasok simula ala-1 ng hapon ngayong Huwebes ang ilang hukuman sa Cavite bunsod ng patuloy na pag-ulan.
Sa abiso ng Supreme Court Public Information Office, pisikal na sarado ang mga korte sa Tagaytay City Hall of Justice, Alfonso, at Silang sa Cavite mula kaninang ala-1 ng hapon.
Ito ay dahil sa nararanasang masamang panahon sa mga nasabing lugar.
Pero, puwede namang ma-contact ang mga korte sa kanilang official hotlines at email addresses.
Una nang nagsuspinde ng pasok ang Bacoor City MTCC dahil naman sa pagbaha sa lugar.
Moira Encina
Please follow and like us:
