Nailikas na mga Pinoy mula sa Ukraine, nasa 309 na

Higit 300 mga Pinoy na ang nailikas mula sa Ukraine, ayon sa isang opisyal ng Department of Foreign Affairs (DFA).

Sinabi ni Undersecretary for Migrant Workers’ Affairs Sarah Lou Arriola, na 309 na ang nailikas at 150 dito ay napauwi na sa Pilipinas, habang ang 159 ay namamalagi sa iba pang mga bansa sa Europa.

Noong Huwebes aniya ay dumating sa Pilipinas ang Filipino seafarers mula sa MV Key Knight, MV Star Helena at MV Pavlina.

Ayon kay Arriola, tinulungan ang mga ng Honorary Consulate sa Moldova, at ng Philippine Embassy Budapest team sa Bucharest, Romania.

Ipinag-utos ng gobyerno ng Pilipinas ang mandatory repatriation ng mga Pinoy sa Ukraine kasunod ng pagsalakay dito ng Russia.

Please follow and like us: