Umaabot na sa 40 pasahero ang na-rescue, 26 ang naitalang patay sa lumubog na Bangka sa Binangonan Rizal
Mistulang na trap na isda sa lambat ang mga pasahero ng lumubog na bangkang aya express sa Binangonan Rizal
Yan ang dahilan kaya marami sa mga pasahero ang hindi nakaligtas.
Kwento ni jonmar delos reyes, isa sa mga survivors, 12:15 ng tanghali umalis sa pantalan ang bangka
Pero sampung minuto pagkatapos ng kanilang paglalayag umihip ang malakas na hangin na nagpatindi sa alon sa dagat.
Mabilis aniya ang nangyari dahil tumagilid agad ang bangka bago lumubog.
Bukod sa nagpanic, hindi raw agad nakalangoy ang mga pasahero dahil bukod sa walang lifevest ang bangka, hindi sila nakalusot sa mga lona na nakatali sa bangka
Sa tingin ni delos reyes marami sa kanyang mga kapwa pasahero ang hindi nakaligtas
Ayon kay Jose Hernandez ang head ng Municipal Disaster Risk Reduction and Management Council, umaabot na sa 40 pasahero ang na-rescue, 26 na ang naitalang patay
Lumilitaw na overloading ang bangka dahil 22 lang ang nakasulat sa manifesto
Sa inisyal na imbestigasyon, matapos aprubahan ng coastguard ang manifesto nagpasakay pa ng pasahero pero hindi na-update sa records ng coastguard
Sinuspinde na ng marina ang safety certificate aya express,
Sisimulan na rin ng marina ang imbestigasyon kung sino ang dapat managot sa nangyaring trahedya
Meanne Corvera
