High grade marijuana, nasamsam sa Caloocan
Courtesy : NPD PIO
Naaresto sa isinagawang intelligence driven operation ng District Drug Enforcement Unit ng Northern Police District, ang dalawang drug suspek sa No. 47 Guadalupe St., Caloocan City.
Sinabi ni NPD Dir. Col. Josefino Ligan, na ang mga naarestong suspek ay nakilalang sina alias “Mart,” 20 anyos ng Brgy.132, Bagong Barrio at alias “White,” 19 anyos ng Brgy., 83 Caloocan City.
Courtesy : NPD PIO
Nakumpiska sa mga suspek ang 18 gramo ng high grade marijuana na nagkakahalaga ng P27,000 at 149 packs ng cannabidiol infused high grade marijuana, na nagkakahalaga naman ng P312,300 at buy bust money.
Nasa kustodiya na ng NPD facility ang mga suspek na nahaharap sa kasong paglabag sa RA 9165 o Comprehensive Dangerous Drug Act of 2002, para sa kaukulang disposisyon.
Manny De luna
