Court Administrator Jose Midas Marquez at 15 iba pa naghain ng aplikasyon para sa binakanteng pwesto sa Korte Suprema ni Ombudsman Samuel Martires
Isinara na ng Judicial and Bar Council ang pagsusumite ng aplikasyon at nominasyon para sa binakanteng pwesto sa Korte Suprema ni Ombudsman Samuel Martires.
Ayon kay Justice Secretary Menardo Guevarra, kabuuang 16 ang mga naghain ng aplikasyon.
Kabilang na rito si Court Administrator Jose Midas Marquez , 11 Court of Appeals justices, isang mahistrado ng Sandiganbayan, isang RTC judge at isang law school dean.
Partikular sa mga CA Justices na nagapply sa SC post sina Justices Oscar Badelles, Manuel Barrios, Apolinario Bruselas Jr, Rosmari Carandang, Stephen Cruz, Japar Dimaampao, Ramon Garcia, Amy Lazaro-Javier, Ramon Paul Hernando, Edgardo delos Santos at Mario Lopez.
Nagsumite rin ng aplikasyon si Sandiganbayan Associate Justice Alexander Quiroz , Tagum RTC Judge Virginia Tehano-Ang, CEU School of Law Associate Dean Atty. Rita Linda Ventura Jimeno at isa pang outsider na under review ang mga dokumentong ipinasa.
Ulat ni Moira Encina
