DOJ wala pang natatanggap na ulat ng pinsala mula sa mga field offices nito na dinaanan ng bagyong Ulysses
Sa ngayon ay wala pang natatanggap na ulat ng malaking pinsala ang DOJ mula sa mga field offices nito na naapektuhan ng bagyong Ulysses.
Sinabi ni Justice Secretary Menardo Guevarra na inaasahan nilang ngayong linggo sa pagbabalik trabaho ng gobyerno magdadatingan ang mga impormasyon ukol sa mga pinsala sa mga gusaling tanggapan at mga equipment ng DOJ field offices.
Tiniyak naman ni Guevarra na handa ang DOJ main office sa Maynila na umagapay sa mga field offices nito na mangangailangan ng tulong bunsod ng kalamidad.
Justice Sec. Menardo Guevarra:
“So far no reports of major damage in our DOJ field offices, but i suppose that information on damage to office buildings and equipment will trickle in this week when govt work resumes. in any event, the DOJ main office will be ready to extend assistance. Thank you”.
Moira Encina
