AFP tiniyak na wala pang miyembro Maute sa Metro Manila
Siniguro ng Armed Forces of the Philippines na nananatiling ligtas ang Metro Manila mula sa mga teroristang Maute group.
Ayon kay AFP Spokesman Brig. General Restituto Padilla, sa kabila nito ay umiiral pa rin ang heightened alert upang siguruhin ang kaligtasan ng publiko.
Dinagdagan aniya ang mga awtoridad na nag-iikot sa mga paliparan, pantalan at iba pang transport hub upang maiwasan ang spill over ng kaguluhan mula sa Mindanao patungong Metro Manila.
Pinabulaanan din ni Padilla ang umiikot na mensahe na sinasabing narito na sa siyudad ang mga teroristang magpapasabog sa isang Mall sa Metro Manila.
Please follow and like us:
