BPI tiniyak na walang nawalang pondoang kanilang depositors sa nangyaring computer glitch
Tiniyak ng Bank of the Philippine Island na walang nawala o nadagdag na pera sa kanilang mga kliyente sa nangyaring tatlong araw na computer glitch.
Sa pagdinig ng Senate Committee on Banks, sinabi ni BPI President and Chief Executive Cezar Consing kung may duda pa rin o problema sa accounts ng depositors, maari naman silang magtungo sa mga bangko.
Pagtiyak ni Consing, maari nilang ipakita ang mga transaction logs at CCTV footages para malaman kung kailan at saan nagkaroon ng withdrawals.
Nanindigan ang BPI na walang nangyaring scam at hindi na hacked ang kanilang sistema.
Sa ngayon, inilipat na aniya ng pwesto ang programmer na pumalpak at tinanggalan na rin ng access sa sistema ng bangko habang tuloy pa rin ang kanilang imbestigayson.
Sinuportahan naman ng Bangko Sentral ng Pilipinas na human error lang ang naging sanhi ng nangyaring glitches.
Ayon kay Melchor Labasan, Deputy Director ng core IT specialist group ng BSP, kuntento sila sa ginawang aksyon ng bBPI sa nangyaring krisis.
Sa kaso naman ng BDO, nangako ang mga opisyal nito na ire-reimburse sa mga kliyente ang anumang mga unauthorized ATM withrawals.
Pero nagpapatuloy raw ang kanilang imbestigasyon sa ilang natanggap na reklamo sa pagkawala ng kanilang pera.
Ulat ni: Mean Corvera
