Dalawang taxi nagbanggaan sa intersection sa East Avenue Quezon City
Wasak na wasak ang kaliwang bahagi ng taxi na ito matapos banggain ng isa pang taxi sa kahabaan ng East Avenue, Quezon City.
Nagkalat pa sa kalye ang mga basag na salamin ng taxi.
Dalawa ang sugatan habang isa naman ang nakaligtas na sakay ng taxi na pawang mga foreigner.
Kinilala ang dalawang nasugatan na si Mark Nainy at Deibra Naimy na agad namang naisugod sa malapit na pagamutan.
Hinimatay naman ang driver ng taxi na agad ding nalapatan ng paunang lunas.
Galing V. Luna ang kanilang sinasakyang taxi at patungo na sana ng EDSA ng banggain ito ng mabilis na taxi na patungong Eliptical Road.
Ayon naman sa driver ng taxi -binabaybay niya lamang ang kahabaan ng East Avenue papuntang Eliptical Road ng pagdating sa intersection ay nabulaga na lamang siya ng may lumabas na taxi sa V. Luna kaya nabangga niya ito.
Ulat ni: Earlo Bringas
