Department of Health, nagbabala sa publiko kaugnay ng Leptospirosis
Dadami pa umano ang dadapuan ng Leptospirosis sa linggong ito dahil sa naganap na pagbaha sa nakalipas na linggo.
Ito ang sinabi ng Department of Health o DOH, kaugnay ng insidente ng Leptospirors sa bansa.
Ayon sa DOH, ang mga kababayan nating lumusong sa baha sa nakalipas na linggo ay magsisimulang makaranas ng mga sintomas tulad ng mataas na lagnat, pananakit ng muscles, pamumula ng mta at matinding sakit ng ulo.
Batay sa datos ng DOH, sa nakalipas na anim na buwan, nasa isang 1,033 kaso ng naturang sakit ang naitala nila at sa bilang na ito, 93 na ang namatay.
Pahayag pa ng DOH, karamihan umano sa mga kaso na na i report sa kanila ay mula sa Western Visayas, Caraga region at Davao region.
Payo ng DOH, kapag lumusong sa baha, magtungo na agad sa health center o sa ospital upang mabigyan ng gamot laban sa leptospirosis.
Ulat ni Belle Surara
