DOH, ginugunita ngayong araw ang World Blood Donor Day
Courtesy of Wikipedia.org
Patuloy ang panawagan ng Department of Health sa publiko na makiisa sa pagdo-donate ng dugo.
Ngayong araw ay ginugunita ang World Blood Donor Day na naglalayong mabigyan ng lalo pang malawak na kaalaman ang mamamayan sa kahalagahan ng boluntaryong pagbibigay ng ligtas na dugo.
Ayon sa World Health Organization ang slogan para sa 2017 campaign ay “what can you do? give blood. give now. give often”.
Samantala, dahil sa kakulangan ng suplay ng dugo, tumataas ang kaso ng mga pasyenteng namamatay .
Pagbibigay diin ng DOH na ang ido-donate na dugo ay makapagliligtas ng buhay.
Sinabi rin ng DOH na ang ilan sa mga benepisyo ng pagdo-donate ng dugo ay ang kasiyahan na makapagligtas ng buhay ng tatlo hanggang apat na kapwa tao, libreng blood analysis , pagtunaw ng calories, pagbaba ng tiyansa nang pagkakaroon ng cancer at sakit sa puso.
Mayroon walong type ng dugo, ang A, B, type AB at O positive ay tinatawag na RH=, ang A-, B- at O- ay ang tinatawag na RH- na napakadalang na uri ng dugo.
Ulat ni: Anabelle Surara
