DOJ at NBI paiigtingin pa ang kampanya laban sa Cybercrime at Online Human Trafficking
Tiniyak ni Justice Secretary Menardo Guevarra na lalo pang palalakasin ng DOJ- Office of Cybercrime at NBI Cybercrime Division ang laban nito sa Cybercrimes at lahat ng uri ng human trafficking sa pamamagitan ng internet.
Ito ay habang hinihintay anya ang pagsasabatas ng panukala na magpapatibay sa legal framework ng kampanya ng pamahalaan laban sa Human Trafficking partikular sa online sexual exploitation ng mga bata at menor de edad.
Ayon kay Guevarra, inaasahan nila ang pagdami ng mga nasabing kaso online lalo nat limitado ang physical movement at interaction ngayong may pandemya.
Ang pahayag ay ginawa ni Guevarra matapos ang ulat ng pagtaas ng bilang ng mga menor de edad na nagbebenta sa social media ng pornographic pictures o videos.
SOJ Menardo Guevarra:
“We welcome the possible enactment of a new law that would strengthen the legal framework for the government’s campaign against human trafficking in cyberspace, particularly online sexual exploitation of children and minors.
As we await the passage of this legislation, the DOJ, through its office of cybercrime, and the NBI’s cybercrime division, will intensify its efforts to crack down on cybercrimes and all forms of human trafficking through the internet, which are expected to rise during these times of limited physical movement and interaction”.
Moira Encina
