Kahandaan ng publiko sa lindol, makikita sa isasagawang surprise Earthquake drill
Magiging realistic o makatotohanan ang gagawing surprise earthquake drill.
Sa panayam ng Radyo Agila kay Metro Manila Development Authority o MMDA spokesperson Celine Pielago, gagawin ang surprise shake drill upang makita at mapatunayan kung gaano kahanda ang publiko kapag dumarating ang mga lindol.
Paliwanag ni Pielago, tuwing darating ang lindol wala naman talagang preparado kaya dito makikita ang mga lapses at mga dapat pang gawin o ihanda ng bawat isang munisipalidad o lunsod tuwing dumarating ang mga kalamidad.
Pero gaya ng dati nang mga ginagawang shake drill makakarinig ng warning signal, hudyat ng pagsisimula ng drill.
“Yung shake drill natin, hindi scripted yung style. Dito makikita natin ang kahandaan ng mag Barangay level, yung mga schools, yung mga private sector, yung mga companies, mga business districts, so by scenario basis ho tayo, kaya yung mga nasa eskwela yung natutunan ninyong Back, Cover and Hold, gaano kayo ka-ready na ma-apply yun”.
============
