Mga pinoy na magtutungo sa abroad para makasama ang foreign partner, kailangang kumuha ng CFO documents
Pinaalalahanan ng Bureau of Immigration (BI) ang mga Filipino na first time magtutungo sa ibang bansa para makasama ang kanilang foreign partner, na kumuha muna ng kinakailangang dokumento mula sa Commission on Filipinos Overseas (CFO) bago umalis.
Sinabi ni BI Commissioner Jaime Morente, na ang fiancèes, spouses o family members ng foreign nationals, ay inaatasang dumalo sa CFO guidance and counseling session na isa sa kailangan bago sila payagang umalis patungo sa ibang bansa.
Ayon kay Morente . . . “This is not a new rule, but we deem it necessary to issue a reminder to all. Following policies set by different government agencies, Filipinos who are joining their foreign partners or spouses and other family members abroad as first time immigrants, must attend a guidance and counseling program from the CFO.”
Ang komisyon ay magbibigay ng guidance and counseling certificate (GCC) at isang sticker, na ipakikita nila sa airport bago sila payagang makaalis ng bansa.
Aniya . . . “Upon attending the sessions from the CFO they are issued a certificate or a passport sticker which they would then present to immigration upon departure. The certificate is a requirement for those emigrating abroad for the first time, as well as those traveling to meet for the first time or to marry a foreign partner.”
Hinimok din ni Morente ang airlines na tiyakin na ang mga Filipinong magma-migrate sa abroad ay susunod sa requirement.
