NCR at 86 na lalawigan, mananatili sa Alert Level 1 mula June 1-15, 2022
Mamamalagi sa Alert Level 1 ang National Capital Region kasama ang 86 na lalawigan at component cities and municipalities mula June 1 hanggang June 15 ng taong kasalukuyan.
Sa briefing sa Malakanyang, sinabi ni Acting Presidential Spokesman Undersecretary Chris Ablan ang bagong Alert level kontra COVID-19 na ipatutupad ay batay sa pagpapasiya ng Inter- Agency Task Force (IATF).
Nasa Alert Level 2 naman mula June 1 hanggang June 15 ang Benguet, at Ifugao sa Cordillera Administrative Region, Lalawigan ng Quezon sa Region 4-A, Occidental Mindoro at Palawan sa Region 4-B, Camarines Norte, Camarines Sur, Masbate at Sorsogon sa Region 5, Antique at Negros Occidental sa Region 6, Bohol at Cebu sa Region 7, Leyte, Northern Samar at Western Samar sa Region 8, Isabela City, Zamboanga del Sur, Zamboanga del Norte at Zamboanga Sibugay sa Region 9, Lanao del Norte sa Region 10, Davao del Norte, Davao del Sur, Davao de Oro at Davao Occidental sa Region 11, General Santos City, North Cotabato, South Cotabato, Sarangani at Sultan Kudarat sa Region 12, Agusan del Sur, Agusan del Norte, Dinagat Island at Surigao del Norte sa CARAGA, Basilan, Cotabato City, Lanao del Sur, ,Maguindanao, Sulu at Tawi-Tawi sa BARMM.
Vic Somintac
