Philippine Army support service may bago nang pinuno
Itinalaga ni Philippine Army Chief Lieutenant General Romeo Brawner, Jr., si Colonel Napoleon de Vera bilang bagong acting commander ng Philippine Army headquarters support service (HSS).
Si de Vera na miyembro ng Philippine Military Academy “Sambisig” class of 1991, ay nagsilbi bilang deputy commander ng HSS mula Setyembre 2019.
Sa simpleng seremonya ay hinimok ni Brawner si de Vera na ituloy ang programa ng pinalitan nitong si Brigadier General Rosalio Pompa, ng PMA “Bigkis Lahi” class of 1990 na nagretiro sa serbisyo nitong linggo matapos ang mahigit 36 na taong paglilingkod sa militar.
Pinuri ni Brawner si Pompa sa kanyang pagpapabuti sa mga pasilidad at seguridad ng Philippine Army headquarters lalo na sa kasagsagan ng COVID-19 pandemic.
Please follow and like us:
