Philippine Embassy sa Abu Dhabi kinumpirmang pinanumpaan doon ni Atty Harry Roque ang kaniyang kontra-salaysay
Photo: Courtesy of Senate of the Philippines
Kinumpirma ng Embahada ng Pilipinas sa Abu Dhabi, United Arab Emirates, na personal na humarap doon si Atty. Harry Roque at ang asawa nito noong Nobyembre 29, para mag-avail ng notarial services.
Ayon sa embahada, hindi nangangailangan ng prior appointment at ipinagkaloob naman ng Philippine embassy sa mag-asawang Roque ang nasabing consular services na inoobliga para sa mga dokumento na pinanumpaan sa ibang bansa.
Sinabi ng embahada na nakapag-prisinta ang dalawa ng mga valid na pasaporte at lumalabas na nananatili nang legal sa UAE.
Una nang isinumite ng mga abogado ni Roque sa DOJ ang counter-affidavit nito para sa reklamong qualified human trafficking.
Inamin ni Roque na sa Philippine embassy sa UAE niya pinanumpaan ang dokumento pero wala na siya sa nasabing bansa.
Moira Encina-Cruz
