Resulta ng US election hindi makaaapekto sa Quad group – Australia, India

Sinabi ng foreign ministers ng Australia at India, na tiwala silang magpapatuloy ang Quad group ng U.S., India, Australia at Japan sa pakikipagtulungan sa Indo-Pacific region, anuman ang maging kinalabasan ng U.S. presidential election.

Ayon sa Foreign Minister ng Australia na si Penny Wong sa mga mamamahayag sa Canberra, nagkita sila ni Mike Pompeo, na nagsilbi bilang Secretary of State sa administrasyon ni Trump, bago ang U.S. election at nagkaroon ng isang napakagandang talakayan.

Aniya, “One of the priorities for us to discuss was AUKUS, and we are very pleased at the sort of bipartisan support that we have seen,” na ang tinutukoy ay ang defence technology partnership sa pagitan ng Australia, Britain at U.S. upang ilipat ang nuclear powered submarines sa Australia.

Dagdag pa ni Wong, “Australia’s most expensive defence project, the AUKUS deal was struck under the Biden Administration in 2023. In terms of the U.S. election, we will work with whomever the American people choose.”

Tutol ang China sa Quad grouping, habang sinasabi ng Australia, Japan, India at U.S. na sila ay mga demokrasya na may kaparehong pag-iisip na naglalayong palakasin ang katatagan sa rehiyon ng Indo-Pacific.

Noong Setyembre ay nagkasundo ang Quad leaders na magtatag ng joint coast guard patrols at palakasin ang military logistics cooperation.

Sinabi pa ni Wong, “The Quad was ‘very valuable’ in the region. We see it retaining its importance regardless of the outcome of the election.”

Ayon naman kay Indian Foreign Minister Subrahmanyam Jaishankar, ang Quad ay muling binuhay sa ilalim ng Trump presidency noong 2017.

Sa opisyal niyang pagbisita sa Australia ay sinabi ni Jaishankar, “When we look at the American election, we are very confident that whatever the verdict, our relationship with the United States will only grow.”

Please follow and like us: