Rubin, tinalo ni Murray sa 2nd round ng ATP Winston-Salem Open
WASHINGTON, United State (AFP) – Dinomina ni Andy Murray and 2nd round ng ATP Winston-Salem Open at tinalo ang American player na si Noah Rubin.
Matapos ang mabagal na simula ay bumawi si Murray para talunin si Rubin sa score na 6-2, 6-0 sa loob lang ng 58 minuto.
Si Nick Krygios ang naka-schedule na makaharap ni Murray, subalit umatras ang Australian player bago magsimula ang kanilang match.
Ayon kay Krygios, umurong siya dahil sa iniindang sakit sa kaliwang tuhod at nagpasyang magpahinga na lamang bilang paghahanda na rin sa darating na US open.
Inabot ng 45 minutos bago nakapagpasya ang organizers na ang Amerikanong manlalaro na ang iharap kay Murray.
Ang 13th seeded na si Frances Tiafoe naman ang sunod na makakaharap ni Murray.
Agence France-Presse
