SFA Enrique Manalo, nagtalaga ng all-career undersecretaries
Pawang mga career diplomats ang hinirang ni Foreign Affairs Secretary Enrique Manalo para magsilbing acting undersecretaries ng kagawaran.
Ang mga ito ay sina DFA Acting Undersecretaries Ma. Theresa Lazaro, Antonio Morales, Carlos Sorreta, Jesus “Gary” Domingo, at Eduardo De Vega.
Si Lazaro na dating Ambassador to Paris and Permanent Delegate to UNESCO ang Undersecretary for Bilateral Relations and ASEAN Affairs.
Ang Undersecretary for Administration naman ay si Morales na dating Philippine Ambassador to Singapore at Consul General to Milan at Hong Kong.
Si Sorreta naman na dating Philippine Ambassador to Russia ang Undersecretary for Multilateral Affairs and International Economic Relations.
Magsisilbing Undersecretary for Civilian Security and Consular Affairs si dating Philippine Ambassador to New Zealand na si Domingo
Ang Undersecretary for Migrant Workers Affairs naman ay si De Vega na dating Philippine Ambassador to the Kingdom of Belgium, Grand Duchy of Luxembourg, at ng European Union.
Ayon sa DFA, ang pagtatalaga ng all-career na senior officials ay nagpapakita ng committment ng departamento sa pagbibigay ng “professional advice” sa pangulo bilang chief architect ng foreign policy ng bansa.
Moira Encina
