Stephen Curry gumawa ng record sa NBA All-Star Game; Team LeBron wagi

Pinangunahan ng Golden State Warriors star guard na si Stephen Curry ang Team LeBron, kung saan gumawa ito ng 50 points at humataw ng All-Star Game record na 16 na three-point shots para magwagi laban sa Team Durant sa score na 163-160.

Binasag ni Curry ang dating All-Star record na siyam na 3-pointers nanaitala Paul George noong 2016, nguni’t nabigo ang NBA all-time three-point king na wasakin ang scoring record na 52 points ni Anthony Davis na naitala noong 2017, subali’t siya pa rin ang nahirang na Most Valuable Player ng All-Star Game.

Si LeBron James naman ng Los Angeles ang nagsara sa panalo ng team matapos maibuslo ang game-ending shot.

Nag-ambag din si Giannis Antetokounmpo ng Milwaukee Bucks ng 30 points at 12 rebounds para sa Team LeBron, habang si James ay may 24 points sa kanyang ika-18 All-Star Game, para madikitan ang 19th All-Star record appearance ni Kareem Abdul-Jabbar.

Samantala, gumawa si Joel Embid ng Philadelphia 76ers ng 36 points at 10 rebounds, habang umiskor naman ng 20 points si Devin Boo­ker ng Phoenix Suns para sa Team Durant.

Sina Anteto­kounmpo, James at DeMar DeRozan ng Chicago Bulls ang humataw para sa 161-155 bentaha ng Team LeBron, habang ang Bulls guard na si Zach LaVine ang trumabaho para sa Team Durant para sa 160-161 dikit na agwat.

Isinara ni James ang panalo ng Team Le­Bron maibuslo nito ang isang 17-foot fadeaway jumper.

Please follow and like us: